Velkominn á heimasíðu FÍLÁ sem stendur fyrir Félag Íslenskra Læknanema í Árósum. Síðu þessari er ætlað það hlutverk að halda utan um það sem við erum að gera hér í Árósum og ekki síst að vera upplýsingaveita fyrir okkur sem hér nemum að ógleymdum glórulausum nýnemanum í sínum fyrstu skrefum út í hættulegan heim læknavísindanna.
Þegar þetta er skrifað þá erum við hér um 23 nemendur af íslensku bergi brotnir sem dreifast á 10 annir. Hverja önn bætast svo um 2-4 nýnemar við í okkar ágæta hóp.
